Protestat shpërthyen pasi ushtria e Sudanit arrestoi kryeministrin Hamdok

Ushtria e Sudanit ka arrestuar kryeministrin Abdalla Hamdok dhe anëtarë të tjerë të qeverisë civile në një grusht shteti të dukshëm.

Ministria e informacionit, i përshkroi arrestimet e së hënës si një grusht shteti. Si kundërpërgjigje, mijëra njerëz përmbytën rrugët e Khartoum dhe qytetit të tij binjak në Omdurman, për të protestuar kundër pushtimit të dukshëm ushtarak.

Pamjet e shpërndara në internet duket se tregojnë protestuesit duke bllokuar rrugët dhe duke u vënë flakën gomave ndërsa forcat e sigurisë përdorën gaz lotsjellës për t’i shpërndarë. Të paktën 12 persona u plagosën në Khartoum, gjatë përleshjeve midis qytetarëve dhe ushtarëve jashtë selisë së ushtrisë, tha Komiteti i Mjekëve sudanez.

Protestuesit mund të dëgjoheshin duke brohoritur, “Populli është më i fortë, më i fortë” dhe “Tërheqja nuk është një opsion!” ndërsa shtëllungat e tymit nga gomat e djegura mbushnin ajrin. Ministria e informacionit dhe e vendit, tha në një deklaratë që, Hamdok u arrestua pasi refuzoi të mbështeste “grushtin e shtetit”. Forcat e paidentifikuara ushtarake sudaneze, raportohet se arrestojnë katër ministra të kabinetit dhe një anëtar civil të këshillit sovran në pushtet, thanë mediat lokale.

Nuk kishte asnjë koment të menjëhershëm nga ushtria. Shërbimet e internetit dukej se ishin të paarritëshëm në kryeqytetin Khartoum dhe në pjesën tjetër të vendit. Ushtarët sulmuan selinë e transmetuesit shtetëror të Sudanit në qytetin binjak Omdurman të kryeqytetit, tha ministria, ndërsa këngët patriotike u transmetuan në televizion. Shoqata e Profesionistëve Sudanezë, i bëri thirrje popullit të Sudanit që të dalë në rrugë për t’i “rezistuar” çdo grushti ushtarak, thuhet në deklaratën e shoqatës.

Tranzicioni politik?

Sudani ka qenë në rrezik që kur një komplot i dështuar, për grusht shteti muajin e kaluar shkaktoi akuza të hidhura midis grupeve ushtarake dhe civile, që synonin të ndanin pushtetin pas rrëzimit të ish-udhëheqësit Omar al Bashir në vitin 2019.

Bashir u rrëzua pas disa muajsh protestash në rrugë. Një tranzicion politik i rënë dakord pas rrëzimit të tij ishte menduar të çonte në zgjedhje deri në fund të vitit 2023. Ndërsa tensionet u krijuan këtë muaj, një koalicion i grupeve rebele dhe partive politike, u rreshtuan me ushtrinë.

Mbështetësit e ushtrisë kanë organizuar një protestë jashtë pallatit presidencial duke i bërë thirrje ushtrisë të shpërndajë qeverinë civile. Kreu ushtarak i Këshillit Sovran ka pohuar më parë angazhimin e tij për tranzicionin.

© Rruga Press