Protesta të mëdha në Francë – policia godet me shkelm protestuesen në Marseille

Sot po mbahet një grevë e madhe ndërsindikaliste, ndërsa në rrugë raportohet se kanë dalë midis 600 dhe 900 mijë njerëz në qytetet e Francës.

Për shkak të protestave, të cilat janë organizuar në 250 vende të ndryshme, është paralizuar vendi në shumë sektorë, raportojnë mediat franceze.

Një video e xhiruar para demonstratave në Marseille, e cila po shpërndahet gjerësisht në rrjetet sociale, tregon një polic duke e rrëzuar një protestuese në tokë me një goditje.

Sipas Le Parisien, polici ka bërtitur “Ik që këtej”, përpara se njëri prej tyre ta godiste dhe shtrinte protestuesen përtokë.

🚨ALERTE INFO

Une manifestante se fait frapper au sol par un CRS à Marseille alors qu’elle fuyait les vapeurs de gaz lacrymogène. #18septembre2025 pic.twitter.com/QkpYZYY9tf

— Tribune Populaire🌐 (@TribunePop23) September 18, 2025

Në një përgjigje për AFP, komanda lokale e policisë deklaroi se pranë qendrës tregtare Terrasses du Port ishin mbledhur 200 protestues “me qëndrim armiqësor”.

Lexo më shumë  Bie çmimi i naftës pas ngjarjeve në Venezuelë

“Në bazë të kësaj videoje, asgjë nuk bie ndesh me doktrinën për ruajtjen e rendit”, tha një burim policor për AFP.

Greva ka prekur kryesisht transportin publik, arsimin dhe shëndetësinë. Në shkollat fillore, çdo mësues i tretë ka hyrë në grevë ndërsa 98 përqind e barnatoreve i janë bashkuar mobilizimit.

Rruga Press