Profesori spanjoll përqesh shtetin e tij pas liberalizimit të vizave për Kosovën
Juristi spanjoll, Joaquin Urias, ka përqeshur Spanjën që vazhdon ta refuzojë njohjen e shtetit të Kosovës, por në anën tjetër nga viti 2024 do të detyrohet t’i pranojë qytetarët e saj pa ua kërkuar vizat.
Një ditë pas vendimit të ministrave të Brendshëm të Bashkimit Evropian për liberalizimin e vizave për Kosovën që nga 1 janari 2024, Urias e ka cilësuar qesharak vendimin e Spanjës për të refuzuar njohjen e Kosovës.
“Përderisa Qeveria e Spanjës përpiqet ta mohojë, Kosova është shtet. Tani kosovarët do të hyjnë në BE me pasaportat e tyre, pa viza. Spanja duket qesharake duke refuzuar realitetin nga frika për pavarësinë e Katalonjës”, ka shkruar ai në Twitter.
Pos Spanjës, në BE janë edhe katër shtete të tjera që refuzojnë ta njohin Kosovën: Rumania, Qiproja, Greqia dhe Sllovakia.
Urias është profesor i së Drejtës kushtetuese, në Universitetin e Sevillës që nga viti 1994.
Por mucho que el Gobierno español se empeñe en negarlo, Kosovo es un país.
— Joaquín Urias (@jpurias) March 10, 2023
Ahora los kosovares pueden entrar con su pasaporte en la UE, sin visado…
España haciendo el ridículo y negando la realidad por miedo al independismo catalán. https://t.co/4cDzdNcF8Q
Rruga Press