Priten protesta masive kundër Trumpit e Muskut në të gjithë SHBA-në

April 5, 2025 User2

Kundërshtarë të presidentit amerikan, Donald Trump, dhe miliarderit Elon Musk, po planifikojnë të protestojnë përreth SHBA-së të shtunën kundër veprimeve të administratës për ekonominë, të drejtat e njeriut dhe çështje të tjera.

Mbi 1,200 demonstrata janë planifikuar nga më shumë se 150 grupe. Protestat janë planifikuar në të gjitha shtetet.

Lexo më shumë 5.8 milionë euro për ndërtimin e Qendrës Nacionale të Xhudos në Pejë

Shtëpia e Bardhë nuk ka komentuar mbi organizimin e këtyre protestave. Trumpi i ka promovuar politikat e tij se janë në interesin më të mirë të SHBA-së, raportoi AP.

Protestuesit po kundërshtojnë vendimet e administratës Trump për të larguar nga puna mijëra punëtorë federalë, mbylljen e zyrave, agjencive, deportimin e migrantëve, heqjen e disa benefiteve për transgjinorët dhe shkurtimin e fondeve për programet shëndetësore.

Lexo më shumë Kurti: Kosova sot është më mirë se kurrë, por dikujt nuk i pëlqen sepse ka përfituar kur vendi ka qenë keq

Organizatorët thonë se shpresojnë se demonstratat e së shtunës do të jenë më të mëdhatë që kur Trumpi mori detyrën në janar.

Rruga Press