Priten edhe 3.185 pako të tjera nga votimi me postë për zgjedhjet e 28 dhjetorit në Kosovë

January 8, 2026 use3

Komisioni Qendror i Zgjedhjeve (KQZ) ka përfunduar numërimin e të gjitha votave me postë që kanë arritur në Kosovë, pa përfshirë 3185 pakot që pritet të sillen sot.

Sipas rezultateve të përmbledhura të publikuara në faqen e KQZ-së Lëvizja Vetëvendosje ka arritur në 51.01%, me 57 ulëse në Kuvend. Pas Lëvizjes Vetëvendosje, radhitet Partia Demokratike e Kosovës me 20.24 përqind me 22 ulëse, pastaj Lidhja Demokratike me 13.26 përqind duke siguruar 15 ulëse, ndërsa Aleanca për Ardhmërinë e Kosovës me 5.50për qind të votave, me 5 ulëse në Kuvend.

Lexo më shumë Bislimi: Është për keqardhje se sa lehtë krijohen dhe shpërndahen dezinformata nga disa portale në Kosovë

“Ende nuk janë sjellë në Kosovë edhe 3,185 pako me fletëvotime, që janë tërhequr më 2 dhe 5 janar nga kutitë postare në Paris (1,962), Berlin (633), Hagë (61), Podgoricë (125) dhe Otavë (404)”, ka thënë zëdhënësi i KQZ-së, Valmir Elezi të mërkurën.

Rruga Press

Lexo më shumë Ngricat dhe përmbytjet/ Bujqësia në Shqipëri përballet me dëme të rënda në disa qarqe