Presidentja Osmani udhëton për në Turqi, merr pjesë në Forumin Diplomatik të Antalisë

March 1, 2024 user 1

Me ftesë të Presidentit të Republikës së Turqisë, Recep Tayyip Erdogan, presidentja e Republikës së Kosovës, Vjosa Osmani, ka udhëtuar për në Turqi, ku do të marrë pjesë në Forumin Diplomatik të Antalisë.

Gjatë Forumit, presidentja Osmani do të jetë folëse në panelin kryesor të liderëve, me temën e forumit të sivjetëm “Avancimi i diplomacisë në kohë trazirash”.

Lexo më shumë Kryeministri Kurti viziton fermerët dhe bletarët: Mbi 300 milionë euro për afër 120 mijë përfitues në katër vjet

“Përgjatë punimeve të Forumit, Presidentja Osmani do të takohet edhe me homologë nga disa vende të botës, pjesëmarrës të forumit”, bëhet e ditur në njoftim.

Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë dhe akademikë. Forumi i sivjetëm do t’i zhvillojë punimet prej 1 deri më 3 mars.

Lexo më shumë OECD: Shqipëria me shpenzimet më të ulëta shëndetësore për frymë në Evropë

Rruga Press