Presidentja Osmani: Sllovenia, mbështetëse e fortë e së ardhmes sonë euroatlantike

Presidentja Vjosa Osmani e ka uruar Slloveninë për ditën shtetërore. 

Në urimin e saj, Osmani ka thënë se Kosova është mirënjohëse për mbështetjen e fortë të Sllovenisë ndaj të ardhmes euroatlantike të vendit.

“Sot, ne bashkohemi për të festuar arritjet tuaja të jashtëzakonshme ndër vite. Populli i Kosovës është mirënjohës për aleancën tonë të gjatë dhe për mbështetjen e fortë dhe të vazhdueshme të Sllovenisë për të ardhmen tonë euroatlantike”, ka shkruar Osmani në platformën “X”.

Më 25 qershor Sllovenia feston ditën e saj kombëtare që njihet edhe si Dita e Shtetësisë. Kjo ditë përkujton shpalljen e pavarësisë së vendit nga Jugosllavia më 1991.

Rruga Press