Presidentja e Gjeorgjisë nuk njeh rezultatin zgjedhor, bën thirrje për protesta

Presidentja pro-perëndimore e Gjeorgjisë, Salome Zurabishvili, ka deklaruar se nuk do të njohë rezultatin e zgjedhjeve parlamentare të 26 tetorit, duke sugjeruar se vendi ka qenë viktimë e një “operacioni special rus.”

Ajo theksoi se si institucioni i vetëm i pavarur, është detyrë e saj të kundërshtojë këto zgjedhje, duke i konsideruar si një hap drejt dominimit rus.

Në një konferencë për media më 27 tetor, Zurabishvili shprehu shqetësimin e saj për të ardhmen evropiane të Gjeorgjisë dhe bëri thirrje për protesta të rrugë më 28 tetor, duke filluar nga ora 19:00.

Ajo akuzoi partinë në pushtet, Ëndrra Gjeorgjiane, për lidhje pro-ruse dhe për gërryerjen e normave demokratike.

Presidentja përmendi se shteti gjeorgjian po përballet me një luftë hibride dhe theksoi se gjeorgjianët nuk do ta tolerojnë këtë dominim.

Këto deklarata vijnë në një kontekst tensioni të lartë politik dhe protestash masive që kanë ndodhur në muajt e fundit kundër qeverisë aktuale.

Rruga Press