Presidenti i Ukrainës: Nuk kemi parë akoma tërheqje të rusëve
Presidenti i Ukrainës ka reaguar për herë të parë në lidhje me raportimet se Rusia po tërheq disa nga trupat e saj pranë kufirit.
Voldymyr Zelensky foli për BBC teksa ishte i pranishëm në një fushë stërvitore ushtarake në perëndim të vendit.
“Të jem i sinqertë, ne reagojmë ndaj realitetit dhe nuk kemi parë akoma një tërheqje. Vetëm kemi dëgjuar,” tha ai.
Ai tha se çdo njeri normal e pret qetësimin e situatës.
“Sa u përket kërcënimeve, e kam thënë disa herë se ne jemi të qetë në lidhje me kërcënimet sepse e dimë se kjo gjë nuk ka nisur dje. Kjo po ndodh prej vitesh,” tha ai.
Zelensky tha se kur trupat tërhiqen, të gjithë do e shohin këtë gjë, jo vetëm ushtria ose ekipet e monitorimit. “Për momentin kemi vetëm deklarata,” tha ai.
Edhe NATO deklaron se nuk ka parë akoma shenja të tërheqjes ruse.
Rruga Press