Presidenti i Gjermanisë bën vizitë të paparalajmëruar në Kiev
Presidenti i Gjermanisë, Frank-Walter Steinmeir, ka mbërritur të martën në Kiev, në vizitën e tij të parë në Ukrainë, që kur ka nisur lufta atje, më 24 shkurt.
Steinmeier deklaroi se vizita ishte e rëndësishme për të në këtë periudhë të luftës.
“Ishte e rëndësishme për mua që në këtë fazë të sulmeve ajrore me dronë dhe me raketa të sjell në Ukrainë mesazhin e solidaritetit”, ka thënë presidenti gjerman për agjencinë e lajmeve DPA.
Presidenti gjerman, pozicioni i të cilit është kryesisht ceremonial, arriti në Ukrainë në përpjekjen e tij të tretë.
Në prill, ai po planifikonte të vizitonte vendin me homologët e tij polakë dhe baltikë, por tha se prania e tij “me sa duket nuk ishte e kërkuar në Kiev”.
Steinmeier është kritikuar në Ukrainë “për rehati me Rusinë” gjatë kohës së tij si ministër i Jashtëm i Gjermanisë.
Rruga Press