Presidenti Biden i bën thirrje Kongresit të marrë masa për kontrollin e armëve
”Armët janë shkaku numër një i vdekjeve të fëmijëve në Amerikë, më shumë se kanceri”.
Me këto fjalë presidenti amerikan Joe Biden iu drejtuar amerikanëve drejtpërdrejtë nga Shtëpia e Bardhë dhe i bëri thirrje Kongresit të veprojë për kontrollin e armëve.
“Këtë herë duhet të bëjmë diçka, nuk bëhet fjalë për t’i marrë armët dikujt por duhet të ndalojnë armët e sulmit. Dhe nëse nuk mund të bëhet atëherë le të rrisim moshën për ato që kërkojnë t’i blejnë. Duhet të forcojmë kontrollet’.
Joe Biden u kërkoi ligjvënësve të rivendosin ndalimin e armëve gjysmë-automatike me origjinë ushtarake, të futur përkohësisht në vend nga ish-presidenti, Bill Clinton në 1994.
“Sa maskara të tjera jemi të gatshëm të tolerojmë’ pyeti Joe Biden.
Amendamenti i dytë i Kushtetutës “nuk është absolut, të drejtat që ai ofron nuk janë të pakufizuara,” u shpreh Biden duke folur me amerikanët.
Në planin legjislativ, kërkesat e presidentit duket se janë pranuar pjesërisht.
Të enjten, Komiteti i Drejtësisë i Dhomës së Përfaqësuesve me shumicë demokratike miratoi një paketë masash për kontrollin e armëve, të cilat Dhoma do të votojë javën e ardhshme.
Masat përfshijnë rritjen e moshës minimale për blerjen e armëve gjysmë automatike, forcimin e kontrolleve parandaluese për blerësit e armëve të zjarrit dhe ndalimin e karikatorëve me kapacitet të lartë dhe llojeve të caktuara të stoqeve për armë gjahu gjysmëautomatike.
Rruga Press