Presidenca për sulmin ndaj policisë: Serbia po synon destabilizimin e Kosovës

Shefi i stafit të presidencës së Kosovës, Blerim Vela, ka thënë se sulmet ndaj zyrtarëve të Policisë së Kosovës në veri janë tentativa të Serbisë dhe strukturave të saj siç i ka quajtur “kriminale” për ta destabilizuar situatën e sigurisë dhe atë politike në vend.

Vela përmes një postimi në Twitter ka thënë se pavarësisht kësaj, shteti i së drejtës do të mbizotërojë.

“Ditët e fundit, Serbia dhe strukturat e saj kriminale kryen disa sulme që synonin Policinë e Kosovës në veri. Këto veprime të shoqëruara me tentativa dezinformuese synojnë të destabilizojnë situatën e sigurisë dhe atë politike në Kosovë. Ata do të dështojnë, shteti i së drejtës do të mbizotërojë”, ka shkruar Vela në Twitter.

In the last days, #Serbia & its criminal structures carried out several attacks targeting Kosovo Police in the north.

These actions coupled with disinformation attempts seek to destabilize security & political situation in #Kosovo.

They will fail, the rule of law will prevail. pic.twitter.com/nR9zwnIqed

— Blerim Vela (@Blerim_Vela) April 15, 2022

Rruga Press