Prebreza: Dorëzuam mbi 60 dosje për keqpërdorim të detyrës zyrtare në Fushë-Kosovë

February 3, 2026 user 1

Kryetari i Komunës së Fushë-Kosovës, Valon Prebreza, ka thënë se të martën janë dorëzuar mbi 60 dosje për hetim për dëmtim të interesit publik dhe keqpërdorimit të detyrës zyrtare nga ish-qeverisja.

Sipas tij, janë përfshirë dokumente lidhur me planin urbanistik në Fushë-Kosovë, derisa ka shtuar se vendimet lidhur me të kanë qenë të paligjshme.

Lexo më shumë “Atë ditë në Izbicë s’ka pasë dasëm, por janë masakruar 137 veta”, familjari i viktimave i zhgënjyer me dënimin ndaj Alidemajt

Sipas njoftimit që ka dhënë ai, dosjet janë dorëzuar në Krimet Ekonomike të Policisë së Kosovës.

“Ky dokumentacion përfshin dokumente për kaosin urbanistik në Fushë-Kosovë. Kërkojmë nga ky departament që të hetohet paligjshmëria e këtyre vendimeve. Shpresojmë që ky hetim t’i nxjerrë para organeve të drejtësisë të gjithë ata që i kanë keqpërdorur detyrën zyrtare”, ka thënë ai përmes një videoje në Facebook.

Lexo më shumë Shqetësimi i kancelarit gjerman: Evropa duhet të bëhet urgjentisht më e pavarur

Komunën e Fushë-Kosovës deri në zgjedhjet e fundit lokale e ka udhëhequr Burim Berisha i Lidhjes Demokratike të Kosovës. LDK-ja ka udhëhequr me Fushë-Kosovën që nga paslufta.

Rruga Press