Popullatat detare në rrezik, BE dhe Britania ende s’kanë një marrëveshje

Përpunuesi më i madh i ushqimeve të detit në Mbretërinë e Bashkuar po kërcënon të ndalojë furnizimin e peshkut nga Atlantiku verilindor nëse shtetet bregdetare, duke përfshirë Mbretërinë e Bashkuar dhe vendet në BE, nuk arrijnë një marrëveshje të përshtatshme për menaxhimin e popullsisë detare këtë muaj.

Sipas The Guardian, Young’s Seafood i është bashkuar Tesco, Co-op, Princes, Aldi, Asda, Waitrose , Marks & Spencer dhe shitësve e furnitorëve të tjerë në thirrje për veprime urgjente nga ministrat për të menaxhuar në mënyrë më të qëndrueshme popullsinë e skumbrisë, harengës dhe barbarit blu.

Për më shumë se një dekadë, shtetet që peshkojnë në Atlantikun verilindor nuk kanë qenë në gjendje të bien dakord për kuotat në përputhje me kufijtë e qëndrueshëm të vendosur nga shkencëtarët. Rezultati ka qenë një rënie e të tre popullatave. Në total, kapjet kanë tejkaluar kufijtë e qëndrueshëm me 4.8 milion ton që nga viti 2015.

Kriza ka bërë që tre  kompani peshkimi të humbasin certifikimin e tyre të qëndrueshëm nga Këshilli i Kujdestarisë Detare.

Young tha se mosmarrëveshjet mbi kuotat e peshkut midis shteteve bregdetare, duke përfshirë Norvegjinë, Islandën, Rusinë dhe Ishujt Faroe, po “rrezikonin shëndetin” e popullatave të vlefshme të peshqve dhe u bëri thirrje biznese të diskutojnë për këtë çështje.

Rruga Press