Polonia pritet të nënshkruajë marrëveshje të sigurisë me Ukrainën para samitit të NATO-s

June 28, 2024 User2

Kryeministri polak, Donald Tusk, tha të premten se është pothuajse e sigurt se Polonia do të nënshkruajë marrëveshje dypalëshe të sigurisë me Ukrainën, para samitit të NATO-s që mbahet muajin e ardhshëm në Uashington.

Të enjten, Tusk tha se para samtit të NATO-s në Uashington, i cili nis më 9 korrik, do të ketë bisedime në Varshavë me presidentin e Ukrainës, Volodymyr Zelensky.

Lexo më shumë Një epokë e re në bashkëpunimin ushtarak: Ja se si vendet anëtare të BE-së “po bashkohen për një mbrojtje të avancuar”

“Unë, së bashku me ministrin e Mbrojtjes, duhet të vendosim patjetër se si mund të vazhdojmë ta ndihmojmë Ukrainën, por ne nuk mund ta dobësojmë mbrojtjen e Polonisë”, tha Tusk.

“Gjasat janë 99 për qind që ne do ta nënshkruajmë këtë marrëveshje me presidentin Zelensky [para samitit]”, shtoi ai.

Tusk shtoi se marrëveshja është praktikisht “e kryer” dhe se kanë mbetur vetëm edhe disa hollësi për t’u qartësuar.

Lexo më shumë Shefja e Parlamentit të BE-së: Gjermania duhet t’ia dërgojë Ukrainës raketat Taurus

Bashkimi Evropian dhe dy prej vendeve të saj anëtare, Lituania dhe Estonia, nënshkruan marrëveshje të sigurisë me presidentin ukrainas Zelensky gjatë samitit në Bruksel të enjten.

Rruga Press