Polonia planifikon të ngre një mur në kufirin me Bjellorusinë pas fluksit të migrantëve

Polonia ka thënë se do të ndërtojë një mur rrethues përgjatë kufirit me Bjellorusinë për të ndaluar fluksin e imigrantëve për të cilën ka akuzuar qeverinë e Bjellorusisë si shtytëse, raporton BBC.

Polonia dhe dy shtetet tjera të BE-së, Letonia e Lituania, kanë përjetuar një ngritje të madhe të numrit të imigrantëve nga Lindja e Mesme dhe Azia.

Thonë se shumica e imigrantëve po arrijnë me fluturim për në Bjellorusi e më pas po shtyhen te territoret e tyre nga autoritetet bjelloruse.

BE-ja ka akuzuar Bjellorusinë se po përdorë migrantët si armë në reagim ndaj sanksioneve, akuza të cilat Bjellorusia i ka mohuar.

Sanksionet u vendosën në qershor pas shtypjeve të protestave dhe arrestimit të një gazetari kritik të presidentit Alexander Lukashenko. Aeroplani i Ryanairit me të cilin po fluturonte gazetari u kthye për në Minsk, ndërsa ai u arrestua.

Të hënën kryeminsitrat e Polonisë, Lituanisë, Letonisë e Estonisë i kanë bërë thirrje Kombeve të Bashkuara për të intervenuar në këtë çështje.

Ministri i Mbrojtjes së Polonisë, Mariusz Blaszczak ka shkruar në Twitter se synohet të ngritët një mur rrethues 2.5 metra i lartë përgjatë kufirit me Bjellorusinë.

Rruga Press