Po bëhet një vit dhe lufta ruse ka rezutuar dështim/ Ku gaboi Rusia?

Pak muaj pas pushtimit rus të Ukrainës më 24 shkurt, u bë e qartë se planet e tyre për të pushtuar kryeqytetin kishin dështuar.

Në vend të kësaj, ajo që u zhvillua ishte një luftë e orientuar për nga rrënimi dhe tani forcat ruse po qëndrojnë te ideja e një lufte afatgjate.

Por ku gaboi Rusia?

Në një artikull për revistën amerikane, Foreign Affairs, Dara Massicot, studiuese e lartë e politikave në institutin e ekspertëve RAND Corporation, tha se përgjigja “ka shumë komponentë”.

Ajo tha që në fillimin e luftës kishte “fshehtësi të tepërt të brendshme” dhe kjo u dha trupave dhe komandantëve “pak kohë për t’u përgatitur”.

“Rusia krijoi një plan pushtimi që ishte i mbushur me supozime të gabuar, udhëzime arbitrar politikë dhe gabime planifikimi që dilnin nga parimet kryesore ushtarake ruse”, shkroi ajo.

Zonja Massicot tha gjithashtu se shumica e udhëheqësve ushtarakë nuk u përfshinë në përpjekjet e planifikimit deri në minutën e fundit dhe për këtë arsye “nuk mund të korrigjonin gabimet e mëdha”.

“Fshehtësia e tepërt nënkuptonte gjithashtu se Moska humbi disa mundësi kyçe për të përgatitur industrinë e mbrojtjes, për të prodhuar dhe ruajtur municione thelbësore,” shtoi ajo.

Ajo tha gjithashtu se Kremlini “gabimisht besonte se planet e tyre të luftës ishin të shëndosha” dhe mbetën të tronditur kur trupat e tyre u takuan nga një ushtri ukrainase e mbështetur nga Perëndimi.

Duke parë strukturën e ushtrisë ruse, zonja Massicot gjithashtu vuri në dukje se pas Luftës së Dytë Botërore, Rusia nuk mundi të menaxhonte apo justifikonte një ushtri të madhe dhe filloi të “krijonte një ushtri që do të ishte më e vogël, por më profesionale dhe e shkathët”.

Rusia gjithashtu filloi një program gjithëpërfshirës reformash për të ristrukturuar forcën dhe filloi përpjekjet për modernizim.

“Por pushtimi i shkallës së plotë i Ukrainës i vitit 2022 i ekspozoi këto reforma si të pamjaftueshme,” tha ajo.

Ajo gjithashtu vuri në dukje se “ka pak prova që Rusia modifikoi programet e saj të trajnimit” përpara pushtimit të saj, për të përgatitur trupat dhe “dështoi të çrrënjoste korrupsionin”.

Kur bëhet fjalë për hakmarrjen e Ukrainës, zonja Masicott tha se Kremlini “duket se ka supozuar që ukrainasit nuk do të rezistonin”.

Ajo shtoi: “Bazuar në përgjigjen e Perëndimit ndaj aneksimit të Krimesë nga Rusia në vitin 2014 dhe rezervave të saj relativisht të vogla për armët përgjatë ecjes drejt periudhës së luftës në 2022-shin, Moska me arsye mund të kishte supozuar se Shtetet e Bashkuara dhe Evropa nuk do të ofronin mbështetje të madhe për Ukrainë, ose të paktën jo në kohë.”

Rruga Press