Pezullohet puna në Gjykatën e Lezhës dhe në zyrën e Sigurimet Shoqërore Gjirokastër nga rastet Covid

Pezullohet puna në Gjykatën e Lezhës për shkak të infektimit të një punonjëseje me Covid.

Kryesekretarja e gjykatës ka rezultuar pozitive me COVID-19 dhe për shkak se ajo ka patur kontakteve të shumta me personelin e këtij institucioni, është vendosur që të ndërpritet puna deri në daljen e rezultateve për personelin.

Nga ky efekt do të përjashtohen shërbime gjyqësore që lidhen me çështje të natyrës urgjente.

Mbyllje të pjesshme ka ndërmarrë edhe zyra në Sigurimet Shoqërore Gjirokastër, Zonat e Mbrojtura Malore si dhe zyra të administratës në Universitetin e Gjirokastrës.

Mbyllja e pjesshme do të zgjasë 10 ditë deri sa të rikuperohen rastet e prekjes me Coronavirus të stafit.