Pesë të plagosur pasi autokolona civile sulmohet nga forcat ruse
Një autokolonë me udhëtarë ukrainas që po evakuoheshin nga qyteti Enerhodar për në qytetin e Zaporizhzhias është sulmuar, kanë bërë të ditur autoritetet ukrainase dhe raporton CNN.
Autokolona që përbëhej prej më shumë se 70 makinash ishte nisur për rrugë rreth orës 11:00 sipas kohës lokale, ka thënë kryetari i qytetit Enerhodar, Dmytro Orlov.
Mirëpo, pesë orë më vonë është sulmuar nga artileria ruse, teksa po kalonte afër qytetit Stepnohirsk.
“Artileria e forcave armike qëlloi mbi një kolonë civilësh pranë Stepnohirsk që lëvizte përgjatë autostradës drejt Zaporizhzhia,” informoi Oleksandr Starukh, kreu i administratës së rajonit të Zaporizhzhia, në kanalin e tij Telegram.
“Nuk ka të vdekur. Aktualisht dihet se janë pesë të plagosur, duke përfshirë një fëmijë i cili është në gjendje të rëndë”, ka shtuar ai.
Sipas tij, fëmija i plagosur po i nënshtrohet një operacioni kompleks me përfshirjen e specialistëve të Klinikës Okhmatdyt.
Enerhodari u pushtua nga rusët më 4 mars.
Rruga Press