Përqafimi emocionues mes dy futbollistëve ukrainas dhe lotët e Zinchenkos para ndeshjes së Man Cityt ndaj Evertonit
Vitali Mykolenko i Evertonit dhe Oleksandr Zinchenko i Manchester Cityt kanë ndarë një përqafim emocionues, duke marrë edhe duartrokitjet e publikut, para se lojtari i “Qytetarëve” të ‘tradhtohet’ nga lotët.
Evertoni dhe Manchester City kanë filluar ndeshjen e tyre nga ora 18:30 në kuadër të javës së 27-të në Ligën Premier.
Të dy klubet angleze kanë në skuadër lojtarët ukrainas dhe pas tensioneve me Rusinë, nuk kishte si këta futbollistë të mos ishin në qendër të vëmendjes.
Mykolenko i Evertonit dhe Zinchenko i Cityt ndan një moment emocionues posa dolën në fushën e lojës për t’u ngrohur.
Amazing moment at Goodison Park between Zinchenko and Mykolenko 🇺🇦 😢 ❤️ pic.twitter.com/8cdozCocnw
— Arlo White 💙 (@arlowhite) February 26, 2022
Posa këta dy lojtarë ukrainas u përqafuan mes veti, morën edhe duartrokitje të mëdha nga publiku i pranishëm në shkallët e stadiumit “Goodison Park”.
Në këtë moment, Zinchenkon e ‘tradhtuan’ lotët, pasi filloi të qajë.
Ndryshe, lojtari i Cityt gjatë ditëve të fundit ka qenë shumë aktiv në rrjetet sociale, duke dënuar sulmet ruse.
Ai së fundmi i ka ‘uruar’ edhe vdekje në mënyrën më të tmerrshme presidentit rus, Vladimir Putin.
Oleksandr Zinchenko in tears as Manchester City and Everton show their support of Ukraine before their game 🇺🇦
— B/R Football (@brfootball) February 26, 2022
(via @footballdaily)pic.twitter.com/7P7QvwQkpI
Rruga Press