Përçahet Rusia e Vladimir Putinit!

Ushtria ruse është e pakënaqur me strategjinë e re të presidentit Vladimir Putin për t’u përqendruar vetëm në rajonin e Donbasit në lindje të vendit, duke i ikur qëllimit të madh për të pushtuar Kievin.

Kështu shkruan media ruse ‘The Moscow Times’ e cila nënvizon se agjencitë e inteligjencës së Moskës jashtë vendit po keq informojnë presidentin Vladimir Putin për kushtet e vërteta të forcave ruse në Ukrainë, të cilat kanë çuar në dështim.

Lufta në Ukrainë ka ndarë ashpërsisht edhe shoqërinë ruse.

Sipas gazetës, ushtria ruse beson se kufizimi i qëllimeve fillestare të luftës është një gabim serioz.
Ata pretendojnë se Rusia nuk po lufton kundër Ukrainës, por kundër NATO-s.

Prandaj, oficerët e lartë arritën në përfundimin se aleanca perëndimore, përmes furnizimit me armë gjithnjë e më të sofistikuara, është në konfrontim të drejtpërdrejtë me Rusinë.

Shkurtimisht, ushtria tani po kërkon një luftë gjithëpërfshirëse, duke përfshirë mobilizimin e përgjithshëm.

Ushtria, madje edhe shërbimet sekrete mësohet se kanë fajësuar Shërbimin Federal të Sigurisë ruse për keqinformim të presidentit Putin, por kanë kritikuar edhe atë vetë për ndryshimin e strategjisë së pushtimit.

Vetëm fytyra publike e luftës në Ukrainë, ministri rus i Mbrojtjes Sergej Shoigu ka arritur të mbajë respektin e ushtrisë dhe ta mbajë larg zemërimin.

Në vitin 2014, kur ushtria ruse pushtoi me shpejtësi Krimenë, ushtria dhe shërbimet e sigurisë ishin në të njëjtin front me presidentin Putin, duke e mbështetur plotësisht vendimin e tij për të aneksuar gadishullin ukrainas.

Entuziazmi i para 8 viteve mungon aktualisht në mes të ofensivës ruse në Ukrainë.

Rruga Press