Për herë të parë që nga 1961, tapeti i “Oscars” s’do të jetë i kuq

Shumë gjëra në lidhje me çmimet e Akademisë kanë ndryshuar gjatë viteve, por për gjashtë dekadat e fundit ka pasur të paktën një konstante: Tapeti i kuq.

Ngjyrat kanë ndryshuar gjatë viteve, por gjithmonë ka qenë një nuancë e kuqe, të paktën deri në këtë vit.

Të mërkurën jashtë Teatrit Dolby në Hollywood, punëtorët hapën një tapet me ngjyrë shampanje, ndërsa Jimmy Kimmel, i cili do të drejtojë të dielën ceremoninë e 95-të të “Oscars”, kryesoi këtë rast.

“Unë mendoj se vendimi për të shkuar me një tapet shampanjë mbi një tapet të kuq tregon se sa të sigurt jemi se nuk do të derdhet gjak”, është shprehur Kimmel.

Vendimi për të ndryshuar ngjyrën erdhi nga konsulentet krijuese, Lisa Love – një bashkëpunëtore e vjetër e Vogue, dhe Raúl Àvila, drejtori kreativ i Met Gala-s në New York.

Këtë vit tapeti do të mbulohet, pjesërisht për të mbrojtur yjet dhe kamerat nga moti, por edhe për të ndihmuar në shndërrimin e ardhjeve në një event mbrëmjeje. Për Love, ka pasur gjithmonë një mospërputhje midis kodit të veshjes elegante të kravatës së zezë dhe faktit që është mesditë kur njerëzit mbërrijnë për t’u fotografuar në dritën e ditës. Me një qilim të mbuluar, ata mund ta ndryshojnë këtë.

Tapeti i kuq i Oscars daton në vitin 1961.

Love ka deklaruar se nuk ka pasur asnjë debat mbi ndryshimin.

“Ne zgjodhëm këtë ngjyrë të bukur sienna, shafran që ngjall perëndimin e diellit, sepse ky është perëndimi i diellit para orës së artë”, është shprehur Love.

Rruga Press