Pentagoni: Udhëheqësit ushtarakë rusë kanë refuzuar thirrjet nga udhëheqësit ushtarakë amerikanë
Udhëheqësit e lartë ushtarakë rusë kanë refuzuar thirrjet telerfonike nga homologët e tyre amerikanë që para fillimit të pushtimit të Ukrainës. Këtë e tha të enjten zëdhënësi i Pentagonit.
“Gjatë muajit të kaluar, Sekretari Austin dhe Kryetari Milley kanë kërkuar dhe vazhdojnë të kërkojnë, telefonata me homologët e tyre rusë. Ministri Shoigu dhe gjenerali Gerasimov deri më tani kanë refuzuar të angazhohen. Ne vazhdojmë të besojmë se angazhimi midis liderëve të mbrojtjes së SHBA dhe Rusisë është shumë e rëndësishme në këtë kohë”, tha në një deklaratë sekretari i shtypit i Pentagonit, John Kirby.
CNN ka raportuar më parë se hera e fundit e njohur që Austin foli për herë të fundit me Ministrin rus të Mbrojtjes Sergei Shoigu ishte më 18 shkurt. Kryetari i Shefave të Përbashkët Gjeneral Mark Milley foli për herë të fundit me Shefin e Shtabit të Përgjithshëm rus gjeneral Valery Gerasimov më 11 shkurt.
© Rruga Press