Pentagoni: Rusia planifikon t’i ‘presë kokën’ qeverisë së Ukrainës

Një përditësim nga zyrtarët e mbrojtjes në Uashington DC dhe vlerësimin e tyre për zhvillimet në terren gjatë 12 orëve të fundit.

Ata thonë se ka pasur tre akse kryesore sulmi. Vlerësimi është se e gjitha që rusët synojnë është të marrin qytetet më të populluara.

Nga jugu në Krime, një sulm në veri deri në Kherson; nga veriu në Bjellorusi në jug në Kiev, dhe nga verilindja, në jug drejt Kharkiv.

Zyrtarët e lartë të mbrojtjes amerikane thonë se besojnë se luftimet më të ashpra janë aktualisht brenda dhe rreth qytetit lindor Kharkiv.

Zyrtarët thonë se Rusia “po bën një lëvizje ndaj Kievit me synim për të prerë kokën e qeverisë dhe për të instaluar metodën e saj të qeverisjes.”

Zyrtarët amerikanë besojnë se do të ketë disa faza të operacionit rus. Ata vlerësojnë se më shumë se 100 raketa ruse, të përmasave dhe rrezeve të ndryshme, u qëlluan në fillim.

U përdorën rreth 75 avionë luftarakë dhe bombardues të rëndë dhe të mesëm. Deri më tani objektivat e sulmeve ruse në Ukrainë kanë qenë pozicionet mbrojtëse ushtarake dhe ajrore, kazermat, depot e municioneve dhe rreth 10 pista aeroplanësh.

Rruga Press