Pensionistët protestojnë kundër Ramës, kërkojnë minimumin jetik

October 30, 2024 User2

Pensionistët po protestojnë edhe ditën e sotme para kryeministrisë, protesta e dytë brenda javës.

Ata kërkojnë rritje të pensioneve në kufirin e pagës minimale.

“Pa pension jam unë dhe gruaja. Vij nga Shkodra. Më kanë dënuar siç kanë dënuar priftërinjtë. Origjinal kështu më kanë dënuar dhe mua. Nuk mund t’u biem më qafë fëmijëve. Çfarë t’i kërkoj djalit unë. Ka dy fëmijë, 3 fëmijë. Këta janë kriminelë”, tha një pensionist.

Lexo më shumë Qorrolli: BE-ja ta dënojë ashpërsisht tendencën e Serbisë për autoritet të ri gjyqësor

Ndërkohë një ish-minator kërkon që qeveria Rama të rishikojë Statusin e Minatorit.

“Kemi dalë këtu për të drejtat tona. Jam minator i Memaliajt dhe sot marr një pension qesharak. Kërkojmë të drejtat tona për rritjen e pensioneve. I bëjmë thirrje qeverisë të shikojë statutin e minatorëve”, tha ai.

Protestuesit këmbëngulin në miratimin e minimumit jetik. PD ka premtuar se ky minimum do jetë 200 euro.

Lexo më shumë Protesta e opozitës në gjithë Shqipërinë. Akset që do të bllokohen ditën e nesërme nga protestuesit

Rruga Press