Pavarësisht thirrjeve të institucioneve, qytetarët mblidhen tek Ura e Ibrit

June 1, 2023 User2

Pavarësisht thirrjeve të Policisë së Kosovës dhe ministrit të Brendshëm, Xhelal Sveçla, qytetarë të shumtë shqiptarë ia kanë mësyrë Urës së Ibrit në Mitrovicë për të marrë pjesë në protestën e cila u thirr në rrjetet sociale.

Sipas videove nga vendngjarja, shihen dhjetëra qytetarë të cilët janë grumbulluar para Urës së Ibrit me simbole nacionaliste shqiptare.

Lexo më shumë REAGIM ndaj deklaratës publike të Rrjetit të Grave Gazetare të Kosovës (RRGGK)

Një nga protestuesit ka thënë se nuk kanë dalë në mënyrë të organizuar, porse aty janë për t’i shprehur pakënaqësitë e tyre për sjelljen ndaj policëve të Kosovës dhe ushtarëve të KFOR-it.

Ka shtuar se kanë dalë për të protestuar në mënyrë paqësore.

Më herët, Policia e Kosovës dhe ministri i Brendshëm bën thirrje që të bojkotohet kjo protestë, e cila u shpërnda me të madhe në rrjetet sociale ditëve të fundit.

Lexo më shumë KQZ: Mbi 1,000 fletëvotime të cilat fillimisht ishin shpallur të pavlefshme nga votat me postë, janë rivlerësuar dhe tani konsiderohen të vlefshme

Sipas raportimeve, autoritetet e sigurisë po dyshojnë se kjo protestë është “organizuar nga persona të dyshuar jashtë Kosovës”.

Rruga Press