KryesoreLajme

Pas shkuarjes në Moskë, deputetë britanikë kërkojnë sanksione ndaj Vuçiqit: Kërcënim serioz për stabilitetin në Ballkan

user 1

Deputetja britanike Emma Lewell, së bashku me një grup parlamentarësh ndërpartiakë, i ka drejtuar një letër Sekretarit të Jashtëm britanik, David Lammy, për të shprehur shqetësimin e thellë lidhur me pjesëmarrjen e presidentit serb Aleksandar Vuçiq në paradën ushtarake të mbajtur në Moskë më 9 maj.

Letra, e bërë publike sot, kritikon ashpër afrimin e Serbisë me Rusinë dhe dështimin e saj për të vendosur sanksione ndaj Kremlinit, ndonëse është shtet kandidat për anëtarësim në Bashkimin Evropian.

Sipas deputetëve britanikë, qëndrimi i Vuçiqit përbën një kërcënim serioz për stabilitetin në Ballkan dhe nxit ideologjinë ekspansioniste të “Serbisë së Madhe”.

Lexo më shumë  Kryeministri i Kroacisë Plenkoviq uron kryeministrin Kurti, riafirmon mbështetjen kroate për Kosovën

“Presidenti Vuçiq ka thelluar marrëdhëniet me Putinin dhe ka ndihmuar në destabilizimin e Kosovës, Bosnjës dhe më gjerë në rajon”, thuhet në letër. Deputetët përmendin gjithashtu regresin demokratik në Serbi, përfshirë shtypjen e opozitës, lirinë e medias dhe korrupsionin në rritje.

Në letër thuhet se pjesëmarrja e Vuçiqit në paradën në Moskë “dëshmon se qeveria e tij nuk ka interes të shkëputet nga Rusia”, duke refuzuar kështu përpjekjet e deritanishme të qeverive perëndimore për ta afruar Serbinë drejt Perëndimit dhe vlerave demokratike.

Në këtë kontekst, deputetët britanikë i kërkojnë qeverisë së Mbretërisë së Bashkuar të ndryshojë qëndrim ndaj Beogradit, duke propozuar vendosjen e sanksioneve të drejtpërdrejta ndaj presidentit Vuçiq dhe rrethit të tij të ngushtë.

Lexo më shumë  Kurti shkon te Osmani për të marrë mandatin për kryeministër

“Po dështojmë të japim një përgjigje të qartë. Nëse nuk veprojmë, rrezikojmë të forcojmë regjimin e Vuçiqit dhe të dështojmë në ruajtjen e paqes në një rajon të brishtë si Ballkani”, thuhet në letrën e deputetëve.

Rruga Press

YouTube player