Pas një sezoni fantastik me Leverkusenin dhe Kombëtaren e Zvicrës, Xhaka tregon nëse pret të jetë në listë për ta fituar Topin e Artë

Granit Xhaka është në formë jetësore. Kurrë më parë ai nuk ka luajtur kaq mirë me klubin dhe Kombëtaren.

Mesfushori kosovar me pasaportë zvicerane tregoi formë të shkëlqyer me Bayer Leverkusenin, duke fituar titullin dhe Kupën në Gjermani, derisa u mposht në finalen e Ligës së Evropës.

Formën e shkëlqyer ai e ka bartur edhe te Kombëtarja e Zvicrës, ku janë në çerekfinale të Euro 2024 dhe tani duan të arrijnë në gjysmëfinale.

“Krahasuar me kombet e tjera, Anglia ka shumë lojtarë që luajnë në ligën e tyre vendase. Kjo e bën atë të veçantë sepse unë kam luajtur kundër shumë prej tyre disa herë nga koha ime në Ligën Premier. Në thelb, për mua është një lojë me nokaut si çdo tjetër. Ne kemi një gjoks të gjerë dhe fokusohemi në pikat tona të forta, pavarësisht se kush është kundërshtari”, tha fillimisht Xhaka për 20min.ch.

Ai u pyet se çfarë do të bënte nëse do të bëhej kampion i Evropës dhe a e ka sjell mentalitetin fitues nga Leverkuseni në Kombëtaren e Zvicrës.

“Të them të drejtën, nuk më duhet të mendoj gjatë për këtë: pushime me familjen. Sigurisht pas një feste të përshtatshme dhe të gjerë me ekipin, stafin dhe gjithë kombin”.

“Edhe para kohës sime në Leverkusen, u përpoqa ta ndihmoja ekipin me mentalitetin tim dhe të isha shembull. Pavarësisht se për cilin klub kam luajtur, gjithmonë kam dashur të fitoj çdo ndeshje, madje edhe në stërvitje”, deklaroi Xhaka.

Shumë nga mediat botërore e kanë lartësuar Xhakën për formën e shkëlqyer që ai po kalon, ku nga katër ndeshje dy herë ka marrë çmimin si më i miri.

Xhaka po shihet ndër kandidatët për Topin e Artë dhe në rast triumfit të Zvicrës në Euro 2024, ai do të jetë sigurisht një nga favoritët për ta fituar çmimin kryesor individual për futbollistë.

“Gjithmonë e kam theksuar se aftësitë e mia duhet të gjykohen nga të tjerët. Kur njerëzit flasin papritur për Topin e Artë, është padyshim lakmuese. Por ju gazetarët keni gjithmonë nevojë për diçka të re për të shkruar (qesh)”.

“Kështu që unë definitivisht nuk do të largohem. Unë jam i shqetësuar ekskluzivisht për këtu dhe tani dhe kjo do të thotë çerekfinalet e Kampionatit Evropian kundër Anglisë. Si gjithmonë, do të jap gjithçka në fushë dhe do të përpiqem ta ndihmoj ekipin sa më mirë që të mundem, sepse ne mund të arrijmë vetëm diçka historike si ekip”, tha Xhaka.

Zvicra dhe Anglia përballen të shtunën me fillim nga ora 18:00 në Merkur-Arena në Dusseldorf. 

Rruga Press