Pas Amerikës, Anglia i jep goditjen e rëndë Rusisë, pritet të bllokojë importin e naftës ruse në vend

Mbretëria e Bashkuar pritet të shpallë ndalim të importeve të naftës ruse, shkruan BBC.

Kryeministri Boris Johnson pritet të bëjë një njoftim në orët ne vijim, në lidhje deklaratën e SHBA-së se Bideni pritet të ndalojë sot importet e naftës, gazit natyror dhe qymyrit rus në SHBA.

Embargoja e naftës e Mbretërisë së Bashkuar do të zbatohet në faza gjatë muajve të ardhshëm dhe nuk do të përfshijë gazin rus, sipas raporteve në Politico dhe Bloomberg.

Sulmi rus kundër Ukrainës ka hyrë në ditën e tij të 13-të pas atyre që autoritetet ukrainase i përshkruan si bombardime të intensifikuara të qyteteve të rrethuara dhe një tjetër përpjekjeje të dështuar për të nisur evakuimin e qindra mijëra civilëve nga zonat e rrethuara nga forcat ruse, duke përfshirë portin jugor të Mariupolit.

Rusia njoftoi një tjetër armëpushim dhe hapjen e korridoreve humanitare për të lejuar civilët të largohen nga Ukraina të hënën, por asgjë nuk ka ndodhur deri më tani.

Dy përpjekjet e mëparshme për armëpushim kanë dështuar dhe forcat ruse vazhdojnë të godasin qytetet ukrainase me raketa. Presidenti ukrainas Volodymyr Zelenskyy ka bërë thirrje për një bojkot global të të gjitha produkteve ruse, përfshirë naftën, përpara një raundi të tretë bisedimesh midis zyrtarëve rusë dhe aktyre ukrainas të planifikuar për të hënën.

Rruga Press