Pandora Papers, zbulohet skandali i Putin, marrëdhënia me ish-pastruesen dhe vajza ilegale
Një aspekt tjetër personal i të fuqishmit të Kremlinit, Vladimir Putin, zbulon skandalin më të madh financiar i cili përfshin 300 krerë shtetesh dhe qeverish, miliarderë dhe të famshëm, në ” Pandora Papers “.
Ndër dhjetëra udhëheqës të ekspozuar nën dritën e një hetimi nga Konsorciumi Ndërkombëtar i Gazetarëve Hulumtues është Presidenti rus Vladimir Putin, i cili rezulton se ka pasur një lidhje të paligjshme me një pastruese ndërsa ishte i martuar.
Sipas Daily Mail, Svetlana Krivonogic bleu një apartament në Monako përmes një kompanie bregdetare të Karaibeve në prill të 2003. Disa javë pasi bleu shtëpinë, ajo lindi një vajzë. Në atë kohë, Svetlana kishte një lidhje “të paligjshme” me Vladimir Putinin ndërsa ai ishte i martuar me gruan e tij Ludmila.
Svetlana ishte pastruese kur takoi Putinin. Nga marrëdhënia e saj me njeriun e fuqishëm të Rusisë, ajo nuk duket të jetë dëmtuar. Zonja e fshehtë e Putinit deri më tani thuhet se ka, përveç shtëpisë luksoze në Monte Carlo, një apartament në një zonë të pasur të Shën Petersburgut, prona të tjera në Moskë dhe një jaht me vlerë totale 100 milionë dollarë.
Prona e blerë nga Putin në Monako kushton 4.1 milion dollarë. Ndodhet në katin e katërt poshtë kazinosë në principatë dhe është blerë nga kompania bregdetare Brockville Development Ltd, siç zbuloi gazeta britanike “Guardian”. Kur u ble shtëpia, Svetlana ishte 28 vjeç dhe në mars të të njëjtit vit, ajo lindi frytin e dashurisë së tyre, Elizabeth ose Louisa.
Zbulimet rozë për jetën personale të presidentit rus po bëjnë xhiron e mediave ndërkombëtare, por Kremlini deri më tani ka heshtur. Marsin e kaluar, media ruse zbuloi se Putini nuk e kishte njohur zyrtarisht si vajzën e tij. Për nënën e saj, u shkrua se ish-pastruesja është një milionere dhe pronare e një klubi nate me shfaqje erotike.
Louisa, e cila ka një dobësi të madhe në jetën luksoze dhe veçanërisht në shtëpinë e modës Gucci, po studion në Universitetin e Shën Petersburg. Ajo madje ka deklaruar se është ndjekëse e një teorie ekstreme konspirative në lidhje me origjinën e pandemisë, se, domethënë, është diçka e shkaktuar nga elita për të zvogëluar popullsinë botërore.
Një rrjedhje masive e dokumenteve financiare u botua një ditëm ë parë duke zbuluar udhëheqësit botërorë, pasuritë e tyre secrete, përfshirë Mbretin Abdullah të Jordanisë dhe bashkëpunëtorët e Presidentit Rus Vladimir Putin. Hedhja e më shumë se 11.9 milion rekordeve, që arrin në rreth 2.94 terabajt të dhëna, erdhi pesë vjet pasi rrjedhja e njohur si “Panama Papers” ekspozoi sesi paratë ishin fshehur nga të pasurit në mënyra që agjencitë e zbatimit të ligjit nuk mund t’i zbulonin. Dokumentet kanë zbuluar së bëhet fjalë për më shumë se 330 politikanë dhe zyrtarë publikë në 91 vende dhe për 11.3 trilionë dollarë pasuri.
Rruga Press