Pamje shqetësuese nga Kina, qindra njerëz në radhë në spitale nga pneumonia misterioze

Një valë misterioze pneumonie ka goditur javët e fundit Kinën, nga e cila vijnë pamje shqetësuese që të kujtojnë periudhën e pandemisë së koronavirusit, kur ende nuk dihej shumë për të.

Mijëra njerëz janë filmuar teksa qëndrojnë në radhë në spitale për të marrë ndihmën mjekësore, teksa autoritetet deklarojnë se nuk ka asgjë për t’u shqetësuar.

Pekini zyrtare fajëson gripin dhe virozat e tjera stinore për valën e të prekurve nga kjo pneumoni, dhe insiston se nuk bëhet fjalë për ndonjë infeksion apo sëmundje të re.

Skenat me prindër dhe fëmijë që qëndrojnë në radhë në spitalet më të mëdha të Kinës kanë shkaktuar alarm në pjesën tjetër të botës.

Situata ka detyruar Organizatën Botërore të Shëndetësisë të kërkojë zyrtarisht informacion nga autoritetet kineze për konkluzionet që kanë arritur deri në këto momemte.

Por ministria e shëndetësisë kineze insiston se bëhet fjalë vetëm për grip dhe viroza të tjera të njohura dhe përjashton kategorikisht një patogjen të ri. Autoritetet deklarojnë se po marrin masa për të hapur sa më shumë klinika, ndërkohë që kanë bërë thirrje për vaksinimin e të moshuarve dhe fëmijëve kundër gripit.

Rruga Press