Pamje shokuese në Meksikë, 100 zogj bien të ngrodhur nga qielli

Një fenomen i çuditshëm ka ndodhur në qytetin verior meksikan të Chihuahua, shkruan “Mail Online”.

Një tufë zogjsh, kanë rënë nga qielli të ngordhur, në një mënyrë shumë misterioze. Zyrtarët kanë nisur hetimet për të zbuluar se çfarë mund ta ketë shkaktuar këtë.

Pamjet e sigurisë tregojnë qartë se si një tufë zogjsh bien gjatë fluturimit. Pas informacioneve të para, policia raportoi se u gjendën të ngordhur afro 100 zogj të zinj me kokë të verdhë, që migrojnë nga Kanadaja Veriore në Meksikë.

Një veteriner vendas tha se zogjtë mund të kishin ngordhur pasi kishin thithur tym toksik nga një oxhak aty pranë ose për shkak të mbingarkesës nga kabllot e energjisë elektrike.

Megjithatë, autoritetet ende nuk e dinë se çfarë e shkaktoi këtë incident.

Një ngjarje e ngjashme ndodhi në fillim të këtij viti në Tarragona, ku qindra zogj ranë nga qielli për shkak të kimikateve toksike që ishin lëshuar nga një fabrikë petrokimike në zonë.

Në mediat lokale ka filluar të qarkullojë një thashethem se ata u goditën nga linjat elektrike që ndodheshin pranë tyre.

Rruga Press