Osmani: Vuçiqi duke blerë gazin rus po financon luftën e Putinit
Presidentja e Kosovës, Vjosa Osmani, ka thënë se presidenti i Serbisë, Aleksandar Vuçiq, duke blerë gazin rus po e financon luftën e presidentit rus, Vladimir Putin.
Me anë të një postimi në Twitter, presidentja Osmani ka thënë se vendimi i qëllimshëm i Vuçiqit për të marrë anën e Rusisë nuk duhet të injorohet nga BE.
“Ai ka zgjedhur të bashkohet me një kriminel lufte dhe të financojë luftën e Putinit, mbi një Evropë të bashkuar, paqësore dhe të begatë. BE nuk mund të injorojë më rrugën destruktive që ka marrë”, ka shkruar Osmani.
Vucic's deliberate decision to side with Russia is a blow to Serbia's prospects of walking the EU path.
— Vjosa Osmani (@VjosaOsmaniPRKS) May 30, 2022
He has chosen to align with a war criminal & to finance Putin's war, over a united, peaceful & prosperous Europe.
🇪🇺 can no longer ignore the destructive path he has taken. pic.twitter.com/nZtoU1vpfc
Në selinë e Bashkimit Evropian në Bruksel nuk e kanë pritur mirë bisedën e fundit telefonike midis presidentit serb, Aleksandar Vuçiq, dhe atij rus, Vladimir Putin.
Sipas njoftimeve nga Serbia dhe Rusia, në bisedën e zhvilluar më 29 maj, Vuçiq dhe Putin kanë biseduar për vazhdimin e “partneritetit strategjik mes Rusisë dhe Serbisë” dhe për furnizimin e Serbisë me naftë dhe gaz rus me çmim të volitshëm.
Kjo ndodhi edhe përkundër thirrjeve të BE-së që Serbia të mos afrohet me Rusinë, sepse, siç ka thënë më herët shefi i diplomacisë së bllokut,Josep Borrell, “të mbash lidhje të ngushta me regjimin e [presidentit të Rusisë, Vladimir] Putinit nuk është më në përputhje me ndërtimin e së ardhmes në BE.
Rruga Press