Lajme

Osmani përfaqëson Kosovën në Samitin e Dubrovnikut. Takon Zelenskyn

Presidentja Vjosa Osmani do ta përfaqësojë Kosovën në Samitin Ukrainë-Evropë Juglindore që po mbahet në Dubrovnik të Kroacisë.

Sipas njoftimit të Presidencës të mërkurën, Osmani ka udhëtuar në Dubrovnik me ftesë të kryeministrit të Kroacisë, Andrej Plenkoviq.

Në këtë samit, sipas njoftimit, Osmani do të pritet nga kryeministri kroat Plenkoviq dhe oresidenti i Ukrainës, Volodymyr Zelensky, teksa do t’u bashkohet liderëve të tjerë nga Evropa Juglindore në seancën plenare.

Lexo më shumë  GJKKO përgënjeshtron Veliajn i cili gënjen edhe nga qelia: Nga procesverbali i seancës gjyqësore, nuk rezulton që të jetë përdorur fjala “ndyrësirë” nga ana e prokurorit Ols Dado në asnjë moment

“Gjatë këtij samiti, pritet të riafirmohet mbështetja e palëkundur për integritetin territorial dhe sovranitetin e Ukrainës, rëndësia e sanksioneve kundër Rusisë, bashkëpunimi me BE-në dhe mbështetja e vendeve të Evropës Juglindore për Ukrainën. Përveç pjesëmarrjes në seancën plenare ku Presidentja do të mbajë një fjalim, ajo do të zhvillojë takime edhe me homologët e saj”, thuhet në njoftim.

Rruga Press

Lexo më shumë  Aksion antidrogë në Mitrovicë, sekuestrohen sasi të kokainës dhe marihuanës
YouTube player