Osmani për bazën ajrore në Kuçovë: Ku ka NATO, ka paqe e stabilitet

Presidentja Vjosa Osmani ka thënë se hapja e bazës ajrore të NATO-s në Kuçovë të Shqipërisë është hap i rëndësishëm në forcimin e pranisë së Aleancës së Atlantikut Verior në rajon.

Nëpërmjet një postimi në platformën “X”, Osmani ka thënë se kjo bazë taktike ajrore do të kontribuojë në rritjen e sigurisë.

“Hapja e Bazës Taktike Ajrore të NATO-s në Kuçovë, Shqipëri, shënon një hap të rëndësishëm në forcimin e pranisë së Aleancës në Ballkanin Perëndimor, duke kontribuar në rritjen e sigurisë në rajonin tonë dhe më gjerë. Ku ka NATO, ka paqe dhe stabilitet”, ka shkruar Osmani.

The opening of the NATO Tactical Air Base in Kuçovë, Albania, marks a significant step in strengthening the Alliance's presence in the Western Balkans, contributing to enhanced security in our region and beyond.

Where there is NATO, there is peace and stability! pic.twitter.com/rirCfKQABS

— Vjosa Osmani (@VjosaOsmaniPRKS) March 4, 2024

Të hënën do të përurohet baza ajrore e NATO-s në Kuçovë. Kjo bazë do të shërbejë si qendër për aktivitetet e Forcës Ajrore, duke ofruar infrastrukturë të avancuar për avionët luftarakë dhe ata të transportit të Aleancës.

Nga NATO janë të investuara afërsisht 50 milionë euro dhe më shumë se 5 milionë euro janë investuar nga Qeveria e Shqipërisë.

Rruga Press