Osmani flet për takimin me Macron: Serbia të mbahet përgjegjëse për agresionin kundër Kosovës
Presidentja e Kosovës, Vjosa Osmani, është takuar të enjten me homologun e saj francez, Emmanuel Macron, në Samitin e Liderëve Evropianë që po mbahet në Granada të Spanjës.
Në një shkrim në llogarinë zyrtare në rrjetin social “X”, Osmani tha se ka qenë një takim i rëndësishëm mbi zhvillimet e fundit të sigurisë në Kosovë.
Ajo tha se Serbia duhet të mbahet përgjegjëse për agresionin kundër Kosovës.
“Një diskutim i rëndësishëm me presidentin francez @EmmanuelMacron mbi zhvillimet e fundit të sigurisë në Kosovë dhe angazhimin tonë të përbashkët për paqen dhe stabilitetin e qëndrueshëm. Theksova rëndësinë e mbajtjes së Serbisë përgjegjëse për aktin e saj të agresionit kundër Republikës sonë”, shkroi Osmani.
Gjatë këtij samiti, presidentja ka takuar edhe kryeministri britanik Rishi Sunak.
Osmani shprehu mirënjohje që forcat e Mbretërisë së Bashkuar po ndihmojnë në mbajtjen e sigurt të kufirit të Kosovës, në mënyrë që të parandalohen akte të mëtejshme agresioni.
An important discussion with French President @EmmanuelMacron on recent security developments in Kosovo and our shared commitment for enduring peace & stability.
— Vjosa Osmani (@VjosaOsmaniPRKS) October 5, 2023
Stressed the importance of holding Serbia accountable for its act of aggression against our Republic. pic.twitter.com/GOMfQu2AtW
Rruga Press