Osmani emëroi tre komandantë e gradoi gjeneralë të FSK-së

Presidentja e Kosovës, Vjosa Osmani, ka emëruar tre komandantë dhe i ka graduar tre gjeneralë të rinj të Forcës së Sigurisë së Kosovës.

Presidenca njoftoi të enjten se kolonelët Hysen Dreshaj, Sefer Isufi dhe Ilir Qeriqi kanë marrë gradën gjeneralë brigade.

Jeton Dreshaj është emëruar në pozitën e komandantit të Komandës së Doktrinës dhe Stërvitjes, Naim Haziri komandant i Komandës së Gardës Kombëtare dhe Hysen Dreshaj u emërua komandant i Komandës së Forcave Tokësore të FSK-së.

“Presidentja Osmani ka përgëzuar komandantë e emëruar dhe gjeneralët e sapograduar, duke ju dëshiruar suksese të mëtejme në ngritjen profesionale të FSK-së”, u tha në njoftimin e Presidencës.

Rruga Press