Osmani diskuton me Sekretarin e NATO-s për sigurinë në Kosovë

Presidentja e vendit, Vjosa Osmani ka thënë se në kuadër të aktiviteteve në ShBA ka biseduar me sekretarin e Përgjithshëm të NATO-s, Mark Rutte lidhur me situatën e sigurisë në Kosovë.

Osmani përmes një postimi në rrjetin social në Facebook ka shkruar se gjatë takimit ata kanë biseduar edhe për rolin e rëndësishëm të misionit të NATO-s në ruajtjen e paqes dhe sigurisë në rajon.

“Në kuadër të aktiviteteve në SHBA, bisedova me Sekretarin e Përgjithshëm të NATO-s, z. Mark Rutte, lidhur me situatën e sigurisë në vendin tonë si dhe rolin e rëndësishëm të misionit të NATO-s në ruajtuen e paqes dhe sigurisë në rajon. Kosova mbetet e përkushtuar në rrugën drejt anëtarësimit në NATO dhe për një të ardhme të sigurt për të gjithë qytetarët tanë”, ka shkruar Osmani.

Rruga Press