OSBE bën thirrje për lirimin e menjëhershëm të katër zyrtarëve të saj të arrestuar në lindje të Ukrainës
Organizata për Siguri dhe Bashkëpunim në Evropë (OSBE) ka bërë thirrje për lirimin e menjëhershëm të katër anëtarëve të Misionit të saj Special të Monitorimit (SMM) në Ukrainë, të cilët janë “ndaluar në zonat e kontrolluara nga Rusia të Donetskut dhe Luhanskut.”
“Arrestimi i anëtarëve të misionit kombëtar SMM në Donetsk dhe Luhansk është i papranueshëm dhe ne bëjmë thirrje për lirimin e menjëhershëm të tyre,” tha në një deklaratë të dielën vonë, kryetari i OSBE-së dhe Ministri i Jashtëm polak Zbigniew Rau.
OSBE njoftoi se disa nga anëtarët e stafit të saj po mbaheshin të shtunën, por nuk ka konfirmuar publikisht se kush është përgjegjës për ndalimin e tyre, megjithatë, zonat joqeveritare të Donetskut dhe Luhanskut kontrollohen nga separatistët e mbështetur nga Rusia.”
Të hënën, një zëdhënës i OSBE-së i tha CNN se “ende po punonin për të siguruar lirimin e stafit të misionit të tyre”.
SMM është një divizion civil i paarmatosur i OSBE-së i ngarkuar me vëzhgimin dhe raportimin mbi zonat e luftës; ajo ka mbajtur një prani në Ukrainë që nga viti 2014 me kërkesë të qeverisë, pas aneksimit të Krimesë nga Rusia dhe shpërthimit të konfliktit në rajonin lindor të Ukrainës në Donbas.
Më 31 mars, mandati i OSBE-së SMM në Ukrainë skadoi pasi Rusia, e cila është një nga 57 shtetet pjesëmarrëse të organizatës bllokoi zgjatjen e tij, por SMM ka vazhduar të operojë me një kapacitet administrativ në Ukrainë.
Sekretarja e Përgjithshme e OSBE-së, Helga Maria Schmid, tha se stafi i SMM-së i ishte nënshtruar “kanosjes, ngacmimit dhe retorikës armiqësore publike” në zonat separatiste të mbështetura nga Rusia në Donetsk dhe Luhansk pas rënies së mandatit.
“Dënoj aktet e mjerueshme të frikësimit, ngacmimit dhe retorikës armiqësore publike kundër SMM-së dhe stafit të misionit në zonat e kontrolluara nga qeveria Ruse të Donetskut dhe Luhanskut. Të gjithë anëtarët tanë të misionit kombëtar mbeten zyrtarë të OSBE-së dhe duhet t’u sigurohet imunitet funksional, duke përfshirë këtë periudhë kur mandati ka skaduar, “tha Schmid.
Rruga Press