Opozita kërkon shkarkimin e Veliajt, Alimehmeti: Është fakt që ai ndodhet në burg vetëm për një pjesë të vjedhjeve që ka bërë

Drejtuesi i Departamentit të Shëndetësisë në PD, Ilir Alimehmeti, hapi konferëncën për media e cila po zhvillohet ditën e sotme nga këshilltarët bashkiakë të opozitës.

Këta të fundit kërkojnë mocion me debat për shkarkimin e Veliajt, i cili prej datës 10 shkurt ndodhet në burgun e Durrësit.

Gjatë fjalës së tij, Ilir Alimeheti tha se është fakt që Veliaj ndodhet në paraburgimin e Durrësit vetëm për një pjesë të dëmeve që i ka shkaktuar qytetarëve të Tiranës dhe opozita kërkon shkarkimin nga detyra.

‘Kërkojmë  që Rama të zbatojë ligjin, të shkarkojë menjëherë Veliajn duke ju hapur rrugë procedurave ligjore dhe jo  a qajë atë natën e ti marrë vendin ditën’- u shpreh Alimehmeti.

Ilir Alimehmeti: “Jemi sot në një situatë ku bashkia e Tiranës e ka kryebashkiakun në burgun e Durrësit prej datës 10 shkurt dhe Këshilli Bashkiak ka sot një mbledhje rutinë, jo me ugjencën e nevojitur të rastit, ku ne kemi bërë kërkesat tona të qarta për ndryshimet e rendit të ditës në pikat e mëposhtme.

E dimë shumë mirë dhe është fakt që Veliaj ndodhet në paraburgimin e Durrësit vetëm për një pjesë të dëmeve që i ka shkaktuar qytetarëve të Tiranës dhe ne kemi kërkuar shkarkimin nga detyra të tij.

Duke marrë parasysh të gjitha skandaleet hetimet dhe abuzimet me miliona euro të bashkisë Tiranë, kujtoj këtu rastin e inceneratorit inekzistent, apo përfitimin e fondeve të bashkisë përmes skemës 5D si dhe tjetërsimin e fondeve të bashkisë për përfitim personal.

Ëshët gjithashtu fakt se Rama pas lotëve të krokodilit uzurpoj bashkinë e Tiranës dhe ky është një veprim antikushtetues që kryeministri kryen me vendim të tij.

Kryeministri nuk ka asnjë tagër që të shkojë e të lajmërojë kryetarin në detyrë, funksion ky që i takon këshillit Bashkiak dhe këtë uzurpim ai e bën sepse është i shqetësuar për veten dhe mandatin e tij si dhe për marrëdhënien që do ketë ai me drejtësinë.

Kërkojmë që Rama të zbatojë ligjin, të shkarkojë menjëherë Veliajn duke ju hapur rrugë procedurave ligjore dhe jo ta qajë atë natën, e t’i marrë vendin ditën.”

Rruga Press