OKB: Izraeli e Hamasi kryen krime lufte në Gaza

Komisioneri i OKB-së për të drejtat e njeriut, Volker Turk, ka thënë se Izraeli e Hamasi kanë kryer krime lufte gjatë konfliktit në Gaza, ka raportuar BBC-ja të enjten.

Ai ka shtuar se “mizoritë” e kryera nga grupet e armatosura palestineze dhe mbajtja e vazhdueshme e pengjeve ishin krime lufte. Ai ka përmendur edhe “dënimin kolektiv” të palestinezëve nga Izraeli dhe “evakuimin me forcë të civilëve”.

Duke cituar Konventat e Gjenevës për ligjet e luftës, BBC-ja ka shkuar se këto ligje mbulojnë shumë aspekte – përfshirë rregullat “që forcat ushtarake nuk mund të sulmojnë mbi civilë dhe të plagosurit duhet të trajtohen”.

“Marrja e pengjeve është e ndaluar dhe konsiderohet si krim lufte. Ai përkufizohet si ‘konfiskim ose ndalim i një personi, i kombinuar me kërcënimin për të vrarë, për të plagosur ose për të vazhduar ndalimin”, thuhet tutje në Konventë.

Ligji i paralajmëron gjithashtu se vendet e përfshira në konflikt “nuk mund të deportojnë ose të transferojnë me forcë popullsi civile të një territori të pushtuar… përveç nëse siguria e civilëve ose arsyet e domosdoshme ushtarake e kërkojnë këtë”.

Konventa e Gjenevës përbëhet nga katër traktate dhe tri protokolle për caktimin e standardeve ligjore ndërkombëtare për trajtimin humanitar në luftë. Ky dokument daton nga Lufta e Dytë Botërore.

Rruga Press