OEGJK: Produktet nga Kosova po marrin shumë treg në Gjermani

January 24, 2025 user 1

Oda Ekonomike Gjermano-Kosovare (OEGJK) ka publikuar të dhënat e përpunuara nga raportet e Doganës së Kosovës për periudhat 2023 dhe 2024, duke theksuar rritjen e dukshme në shkëmbimet tregtare.

Sipas të dhënave të grumbulluara gjatë vitit kalendarik 2024, nga Kosova drejt Gjermanisë vlera e eksportit mbërrin shifrën prej 92.7 milionë euro, rritje prej 7.9% krahasuar me vlerat e nxjerra nga viti 2023.

Lexo më shumë Ministri Sveçla: Si rezultat i efikasitetit juaj, Kosova renditet e 12-ta në botë për ndjenjën e lartë të sigurisë së qytetarëve

Ndërkaq, vlera e importit nga Gjermania në Kosovë rrumbullakson 897 milionë euro duke shënuar rritje prej 19.4% në krahasim me vitin 2023.

Ndër kategoritë që shënuan vlerat më të larta në eksport në vitin 2024 përfshinë:

Plastika dhe artikujt prej tyre, mobileritë dhe kategori të tyre, atikuj prej gizës dhe çelikut.

Ndër kategoritë që shënuan vlerat më të larta në import në vitin 2024 përfshin.

Lexo më shumë Kurti në ceremoninë e diplomimit të kadedëve të rinj në Policinë e Kosovës: Nuk ka rrugë më të drejtpërdrejtë sesa ta veshësh uniformën policore dhe t’u përgjigjesh nevojave të qytetarëve

“Mjetet e transportit të ndryshëm nga vagonët e hekurudhës ose tramvajit, pjesët dhe plotësuesit e ryre, raktorët nuklearë, boilerat, makineri dhe pajisjet mekanike si dhe pjesët e tyre, plastika dhe artikujt prej tyre”, njofton OEGJK-ja.

Sipas OEGJK-së, këto të dhëna theksojnë rritjen e dukshme në shkëmbimet tregtare Kosovë-Gjermani duke dëshmuar forcimin e mëtutjeshëm të marrëdhënieve ekonomike dhe bilaterale midis Kosovës dhe Gjermanisë.

Rruga Press