O’Brien në Qeveri, Kurti e pret në takim

October 21, 2024 user 1

Ndihmëssekretari amerikan i Shtetit për Evropën dhe Euroazinë, James O’Brien ka arritur në Qeveri, ku do të pritet në takim nga kryeministri Albin Kurti.

O’Brien ka qenë i shoqëruar nga ambasadori amerikan në Prishtinë Jeffrey Hovenier, i cili paraprakisht ka shkruar për ardhjen e O’Brien, duke thënë se kjo është vizita e tij e parë në Kosovë në këtë rol.

Lexo më shumë Hidhet nga pallati polici i qarkullimit rrugor që ndaloi djalin e oligarkut Samir Mane. Protestë përpara Ministrisë së Brendshme në Tiranë

“Presim me padurim të zhvillojmë biseda me zyrtarët kosovarë për çështjet kyç bilaterale dhe të ritheksojmë përkushtimin e SHBA-së ndaj popullit të Kosovës”, ka shkruar Hovenier në rrjetin social X.

O’Brien e viziton Kosovën një ditë pasi që ka qëndruar në Serbi.

Gjatë qëndrimit atje ai ka dhënë një intervistë për transmetuesin publik serb duke thënë se kërkon që të gjitha marrëveshjet e arritura në dialogun për normalizim të raporteve mes Kosovës dhe Serbisë të respektohen.

Lexo më shumë Kurti takon ekipet e misioneve vëzhguese të zgjedhjeve, konstatohet se Kosova ka arritur të realizojë shumicën e rekomandimeve për zgjedhjet

Rruga Press