Numërohen mbi 67 % e vendvotimeve në përfaqësi diplomatike, VV-ja prin me 81.97 % të votave

February 28, 2025 User2

Procesimi i rezultateve nga vendvotimet në përfaqësitë diplomatike për zgjedhjet parlamentare të 9 shkurtit ka arritur në 67.44%.

Sipas të dhënave të Komisionit Qendror të Zgjedhjeve (KQZ), Lëvizja Vetëvendosje (LVV) ka një epërsi me 81.97% të votave të numëruara.

Nga gjithsej 43 përfaqësi diplomatike, deri tani janë procesuar rezultatet nga mbi dy të tretat e tyre (29).

Lexo më shumë Kallas: Formimi i qeverisë së re të Kosovës është një lajm inkurajues

LVV-ja ka siguruar 5,581 vota – 81.97%, duke dominuar bindshëm votën e diasporës.

Në vendin e dytë renditet Lidhja Demokratike e Kosovës (LDK) me 7.5% të votave ose 511 vota, e ndjekur nga Partia Demokratike e Kosovës (PDK) me 6.14% ose 418 vota.

Koalicioni AAK-Nisma ka marrë vetëm 1.5% të votave ose 102 vota.

Sipas KQZ-së, përfundimi i numërimit të mbi 15 mijë votave nga përfaqësitë diplomatike i paraprin numërimit të votave të dërguara me postë.

Lexo më shumë Rutte: Po presim llogaridhënie nga Vuçiqi për Banjskën

Rruga Press