Nis ceremonia e rreshtimit të kuadrateve të FSK-së

March 5, 2025 User2

Ka nisur ceremonia e rreshtimit të kuadrateve të Forcës së Sigurisë së Kosovës, në kazermën që mbanë emrin e Komandantit Legjendar, Adem Jashari.

Në këtë ceremoni që po mbahet me rastin e shënimit të 27 vjetorit të Epopesë së UÇK-së, po marrin pjesë, presidentja Vjosa Osmani që është edhe komandante supreme e FSK-së, kryeministri Albin Kurti, kryeparlamentari Glauk Konjufca e përfaqësues të familjes Jashari në krye më vëllanë e Adem Jasharit, Rifatin.

Lexo më shumë Kryetarja Albulena Haxhiu për zgjedhjen e presidentit nga populli: I bashkohem thirrjes së Osmanit për votimin e këtyre amendamenteve

Fillimisht aty u nderuan të dyja himnet, ai i Kosovës dhe himni kombëtar, derisa u bënë nderime pranë obeliskut të Ushtrisë Çlirimtare të Kosovës, teksa ushtarët e Kosovës njëzëri këndonin këngën kushtuar Komandantit Legjendar Adem Jashari.

Në nisje të kësaj ceremonie u tha se Epopeja e UÇK-së është ngjarja më sublime e kombit, që ndezi zjarrin e lirisë, bashkoi shqiptarët anë e kënd botës, duke u mobilizuar për luftë e çlirim nga okupatori.

Lexo më shumë LVV po ia përkrah e para amandamentet Osmanit - Më shumë se kaq as familja e saj nuk e përkrah

Rruga Press