Nigeria siguron lirimin e 100 nënave dhe fëmijëve të rrëmbyer, u lanë të lirë pa paguar asnjë shpërblim

Autoritetet në Nigerinë veri-perëndimore thonë se ata kanë liruar 100 gra dhe fëmijë, kryesisht nënat që ushqejnë foshnjat të cilat u kapën nga banditë.

Grupi u rrëmbye në 8 qershor në shtetin Zamfara. Katër persona u vranë gjithashtu gjatë incidentit.

Sipas BBC, qeveria e shtetit Zamfara tha se ata u lanë të lirë pa u paguar asnjë shpërblim, por nuk dha detaje të tjera. Grupit do t’u jepen tani kontrolle mjekësore dhe do të informohen para se të kthehen në shtëpitë e tyre.

Një vërshim rrëmbimesh ka ndodhur në rajon gjatë muajve të fundit. Që nga dhjetori i vitit 2020, më shumë se 1.000 njerëz janë rrëmbyer. Shumica janë liruar më vonë, thuhet se janë paguar shpërblime, por disa janë vrarë.

Autoritetet kanë fajësuar për incidentet bandat, grabitësit e armatosur dhe milicitë e tjera të armatosura që veprojnë në rajon të cilët kryesisht motivohen nga paratë. Presidenti Muhammadu Buhari ka drejtuar ushtrinë për të larguar kriminelët në Zamfara dhe shtetet fqinje të Kaduna dhe Katsina.

Që nga rrëmbimi në vitin 2014 të 276 nxënëseve nga shkolla e mesme Chibok nga militantët islamikë të Boko Haram në shtetin Borno, më shumë grupe të armatosura kanë drejtuar rrëmbimet masive të studentëve.

Rruga Press