Nga kampi i Kroacisë largohet lojtari i rëndësishëm

Reprezentuesi i Kroacisë, Nikola Vlashiq, do të largohet nga kampi i përfaqësueses kroate dhe nuk do të paraqitet në pjesën e mbetur të Evropianit për shkak të lëndimit muskulor.

Këtë e bëri të ditur të martën Federata kroate e futbollit.

Vlashiq është lënduar gjatë stërvitjes dhe pas kontrollimeve më të detajuara u kuptua se nuk mund të luaj më në Evropian.

“Nikola ka ofruar mund e energji që të ndihmojë përfaqësuesen në Evropian dhe për këtë arsye më vjen keq për këtë lëndim muskulor që e pësoi”, ka thënë selektori kroat, Zlatko Daliq.

Kroacia të mërkurën luan ndaj Shqipërisë.

Vlashiq është mesfushor ofanziv dhe luan për Torinon. Për Kroacinë i ka 56 ndeshje.

Rruga Press