Ndihma për Ukrainën, Bislimi: BE të jetë forcë lëvizëse edhe për Ballkanin Perëndimor

Zëvendëskryeministri Besnik Bislimi ka kërkuar nga Bashkimi Evropian që të jetë unik dhe të përdor të njëjtat parime morale edhe për Ballkanin Perëndimor sikurse me rastin e Ukrainës.

Reagimi i tij vjen pas vendimit të BE-së që t’ia ndajë Ukrainës një pako ndihme prej 50 miliardë eurosh.

Bislimi ka thënë se sigurimi i financave për Planin e Rritjes të Ballkanit Perëndimor është hap i madh drejt integrimit.

“Vendimi i sotëm i BE-së tregon rëndësinë e unitetit dhe bashkimit. Të njëjtat parime morale që duhet të jenë forcë lëvizëse edhe për Ballkanin Perëndimor. Në këtë kuptim, sigurimi i financave për Planin e Rritje së Ballkanit Perëndimor është hap i madh drejt integrimit”, ka thënë Bislimi në rrjetin social X.

Rruga Press