Ndalohet kontrabandimi i mallrave nga Serbia

Në dy raste të ndara, Policia e Kosovës ka parandaluar kontrabandimin me mallra.

Sipas komunikatës dërguar mediave të martën, në orët e para të mëngjesit në hyrje të fshatit Pasjan është ndaluar vetura Mercedes me targa të Serbisë, e drejtuar nga i dyshuari M. S., si dhe vetura tjetër po ashtu Mercedes me targa të Serbisë e drejtuar nga i dyshuari Z. I. 

Njoftohet se gjatë kontrollit te vetura e parë janë gjetur dhe janë konfiskuar 35 arka me nga 20 shishe pije alkoolike, kurse te vetura e dytë gjatë kontrollit janë gjetur dhe janë konfiskuar gjithashtu 29 arka me nga 20 shishe pije alkoolike.

“Në konsultim me prokurorin kujdestar, malli i konfiskuar është përcjellë në terminalin doganor, ndërkaq rasti vazhdon të hetohet nga njësiti kompetent”, thuhet në njoftim.

Rruga Press