Nafta e lirë ruse që mund “ta djegë motorrin” e ekonomisë së Indisë

Mbretëria e Bashkuar, SHBA dhe vendet evropiane kanë shtrënguar sanksionet ndaj Rusisë, por jo të gjitha fuqitë botërore e kanë ndjekur këtë drejtim.

E joshur nga zbritjet masive, India ka blerë më shumë naftë bruto ruse që nga fillimi i pushtimit të Ukrainës se sa bëri gjatë gjithë vitit të kaluar.

Informacioni vjen nga të dhënat e përpiluara nga agjencia e lajmeve Reuters.

Presidenti i SHBA Joe Biden i ka thënë kryeministrit të Indisë Narendra Modi se varësia në rritje në energjinë ruse është “shumë qartë…jo në interesin e tyre”.

Modi ka thënë se në bisedimet e fundit me Rusinë ka sugjeruar që presidenti rus Vladimir Putin dhe ai i Ukrainës Volodymyr Zelenskyy të zhvillojnë bisedime së bashku.

Qëndrimi gjithnjë e më shumë prorus i Indisë, i shtyrë edhe nga interesat ekonomike momentale, në një të ardhme më afatgjatë mund t’i kthehen në dëm ekonomisë indiane, për shkak të asaj që quhet “të qenit në anën e drejtë të historisë”.

Histroria shpërblen dhe ndëshkon varësisht prej rrethanave, por edhe prej veprimeve të shtetit përkatës.

Rruga Press